राजनीति
काठमाडौं । संघीय समाजवादी फोरम नेपालका उपाध्यक्ष लालबाबु राउतले आफूहरुको लागि सरकार महत्वपूर्ण नभएको स्पष्ट पारे । रिपोर्टस् क्लबले बुधबार आयोजना गरेको कार्यक्रममा उनले भने, “हाम्रो लागि सरकार महत्वपूर्ण होइन, मधेसीका मुद्दाहरु नै ठूलो कुरा हो ।” उनले मधेशी मोर्चा सम्मिलित संघीय गठबन्धनले अघि सारेका मागहरु सम्बोधन गर्ने लिखित प्रतिबद्धता आएमात्रै नयाँ बन्ने सरकारलाई सहयोग गर्ने दाबी गरे । गठबन्धनले अघि सारेको २६ बुँदे मुद्दा सम्बोधन गर्नुपर्ने उनको भनाई थियो ।
केपी शर्मा ओलीको मधेसको मुद्दालाई हेर्ने दृष्टिकोणलाई आफूहरुले विरोध गरेको राउतको भनाई थियो । उनले थपे, “कांग्रेस र माओवादी केन्द्रले संयुक्त रुपमा हाम्रा मागहरु सम्बोधन गर्ने प्रतिबद्धता जनाउनुपर्छ, अनिमात्रै हामी सरकारमा सहभागी हुन्छौं ।’
प्रकाशित मिति: बुधबार, साउन १२, २०७३ १५:४१
प्रतिक्रिया दिनुहोस्