देश
दाङ । गढवा गाउँपालिका दाङकी उपाध्यक्ष शान्ति चौधरी कक्षा ८ को परीक्षामा संलग्न भएकी छन् । वडा नं ६ निवासी ४८ वर्षीया चौधरी जनता उच्च माध्यमिक विद्यालयबाट परीक्षामा संलग्न भएकी हुन् । कक्षा ५ मा पढ्दापढ्दै विसं २०५३ मा पढाइ छाडेकी उनी यसै वर्ष कक्षा ८ मा भर्ना भएकी हुन् । सानोमा पढ्दापढ्दै छोडेको भए पनि हरेक क्षेत्रमा अगाडि बढ्न पढाइ महत्वपूर्ण हुने भएकाले पुनः शुरु गरेको उनको भनाइ छ । जनप्रतिनिधि भइसकेपछि पढाइको महत्व बुझेर निरन्तरता दिन लागेको उनले बताइन् ।
नेपाल कम्युनिष्ट पार्टी(नेकपा) संसदीय दलका सचेतक शान्ता चौधरीले पढेको सुनेपछि आफूलाई पनि पढ्नुपर्छ भन्ने थप भावना पैदा भएको उनको भनाइ छ ।
प्रकाशित मिति: बिहीबार, चैत ७, २०७५ ०६:५३
प्रतिक्रिया दिनुहोस्