बन्दले ३५ हजार विद्यालयका लाखौं विद्यार्थीको पढाइ अवरुद्ध

बन्दले ३५ हजार विद्यालयका लाखौं विद्यार्थीको पढाइ अवरुद्ध

काठमाडौं । नेत्रविक्रम चन्द नेतृत्वको नेकपाले आयोजना गरेको नेपाल बन्दले देशभरका शैक्षिक संस्थामा प्रभाव परेको छ । 

बन्दले देसभरका झण्डै ३५ हजारभन्दा बढी विद्यालयमा अध्ययनरत लाखौं विद्यार्थीको पठनपाठन अवरुद्ध भएको छ । यस वर्षमात्रै विप्लव समूहको यो सातौं पटकको बन्द आह्वान हो । 

अस्थायी शिक्षक र अन्य पक्षगरी एक दर्जन पटक शैक्षिक संस्थाहरू बन्द भएको नेपाल प्याब्सनले जनाएको छ । शैक्षिकसत्र ०७५ को अन्त्यतिर अन्तिम परीक्षाको तयारीमा रहेका विद्यालय र परीक्षासमेत सञ्चालन गरिरहेका  विद्यालयहरूले बन्द आह्वानका कारण बीचमै विद्यालय बन्द गर्नुपरेको प्याब्सनले जनाएको छ ।

बारम्बारको शैक्षिक संस्था बन्द हुँदा पनि शिक्षा मन्त्रालय भने गम्भीर नदेखिएको सरोकारवालाहरूले आरोप लगाउँदै आएका छन् । 

आफ्ना कार्यकर्तामाथि सरकारले दमन गरेको विरोधमा विप्लव नेतृत्वको नेकपाले आज नेपाल बन्द आह्वान गरेको छ । 
 

प्रतिकृया दिनुहोस

सम्बन्धित समाचार