काठमाडौं । काठमाडौं र भक्तपुरमा प्रहरीलाई १ हजार र २ सय घुस दिने दुईजना चालक पक्राउ परेका छन् । महानगरीय प्रहरी वृत्त ठिमीबाट खटिएको प्रहरी टोलीले भक्तपुर मध्यपुर ठिमी नगरपालीका ३ गठ्ठाघर चोकमा चेकजाँच गर्ने क्रममा ना ५ ख ७१८१ नम्बरको ट्रकका चालकले रूट पर्मिट कागजको भित्र २ सय घुस दिने चालकलाई पक्राउ गरेको हो । 
यस्तै महानगरीय प्रहरी वृत्त बानेश्वरबाट खटिएको प्रहरी टोलीले बुद्धनगरमा चेकजाँच गर्ने क्रममा गिट्टी बोकेको बा २ ख ८१२९ नम्बरको मिनिट्रकका चालक जितबहादुर तामाङको साथमा कागजपत्र नभएकोले प्रहरीलाई एक हजार घुस दिन खोज्दा पक्राउ गरेको छ ।