काठमाडौं । इटालीको ट्युरिन सहरमा एउटा फुटबल म्याच हेर्न गएका सर्वसाधारण जनताबीच भागदौड मच्चिँदा १५०० व्यक्ति घाइते बनेका छन् । उनीहरू पटाकाको आवाज सुनेपछि डराएर भागेका थिए ।
घटना घट्ने बेला युवेन्टोस र रियल मैड्रिड फुटबल क्लबका टिमहरू कार्डिफ स्टेडियममा च्याम्पियन लिगको फाइनल म्याच खेलिरहेका थिए । उक्त म्याच हेर्न स्टेडियममा हजारौं सर्वसाधारणको उपस्थिति थियो । खेलमा युवेन्टोसले भन्दा रियल मैड्रिडले राम्रो प्रदर्शन गरिरहेको थियो । यसै क्रममा म्याच सकिन दस मिनेटमात्र बाँकी रहँदा बाहिर पटाका पड्केको आवाज सुनियो । योसँगै फुटबल ग्राउन्डनजिकै बम विस्फोट भएको हल्ला फैलियो र मानिसहरू आत्तिएर भाग्न थाले । स्थानीय सञ्चारमाध्यमका अनुसार उक्त घटनामा सात जना व्यक्तिहरू गम्भीर घाइते भएका छन्, जसमा एक जना सात वर्षीय बालक पनि रहेको छ ।
बीबीसीले जनाएअनुसार यति ठूलो भीड जम्मा हुँदा आकस्मिक घटना र सुरक्षाका बारेमा आवश्यक व्यवस्था नगरेको भन्दै स्थानीय जनताले रोषपूर्ण प्रतिक्रिया व्यक्त गरेका छन् ।