क्वालालम्पुर । मलेसियामा समपन्न आम निवार्चनपछि मुलुककाे इतिहासमै पहिलोपटक त्रिशंकु संसद बन्ने भएको छ ।
विपक्षी नेता अनवर इव्राहिमले सबैभन्दा बढी सिट जितेका छन् । तर, उनको पाकातान हारापान गठबन्धन स्पष्ट बहुमत ल्याउन भने असफल भएको छ ।
त्यसैगरी, इस्माइल सावरी याकोवद्वारा नेतृत्व गरिएको सत्तारूढ गठबन्धनले अहिलेसम्मकै सबैभन्दा खराब चुनावी पराजय भोगेको छ । यसले आफूले लडेको १७८ सिटमध्ये केवल ३० सिट जितेको छ ।
नामुद राजनीतिज्ञ महाथिर मोहमद पनि पराजित भएका छन् । ५३ वर्षको इतिहासमा उनी पहिलोचोटि चुनावमा पराजित भएका हुन् ।
दशकौँदेखि मलेसियाली राजनीतिमा ९७ वर्षीय महाथिरको वर्चश्व रहँदै आएको थियो । उनी पहिलोचोटि सन् १९८१ देखि २००३ सम्म प्रधानमन्त्री बनेका थिए । उनलाई असीको दशकमा भएको मुलुकको तीव्र आर्थिक रूपान्तरणका लागि श्रेय दिइने गरिएको छ ।
अहिले मलेसियामा राजनीतिक अस्थिरता देखिएको छ । सन् २०१८ मा आम चुनाव भएयता मुलुकले तीनजना प्रधानमन्त्री पाइसकेको छ ।
यसपालिको चुनावमा पूर्वसत्तारूढ पार्टी यूएमएनओले पनि नराम्ररी हारेको छ । मतदाताहरू पेरिकातान नासिओनल र कन्जरभेटिभ इस्लामिक पार्टी पीएएसतर्फ आकर्षित भएका छन् । बीबीसीबाट