काठमाडौँ । बेलायती समचार संस्था बीबीसीले अफ्रिकन प्लेअर अफ दि इअरका लागि ५ खेलाडीको मनोनयन सार्वजनिक गरेको छ । बबिीसीले  शनिबार राती अफ्रिकन प्लेअर अफ दि इअरका लागि ५ खेलाडीको नाम घोषणा गरेको हो । 

बीबीसीले सार्वजनिक गरेको खेलाडी सुचिमा इंलिस प्रिमियर लिग खेल्ने ४ खेलाडी परेका छन् । सूचीमा एक खेलाडी भने जर्मन बुण्डेसलिगाका परेका छन् । बीबीसीले सार्वजनिक गरेको सूचीमा यसपटक स्पेनिस ला लिगा फुटबल खेल्ने खेलाडी परेका छैनन ।

बीबीसीले सार्वजनिक गरेको यस वर्षको अवार्डको लागि इंगलिस क्लब म्यानचेष्टर सिटीका फरवार्ड याया टुरे परेका छन् । आइभरीकोष्टका याया टुरे यो अवार्डको साबिकको विजेता पनि हुन् । उनले सन् २०१३ मा पनि यस अवार्ड जितेका थिए ।

त्यस्तै इन्ग्लिश प्रिमियर लिग च्याम्पियन लेस्टर सिटी रियाद महरेज पनि मनोनयनमा परेका छन् । अल्जेरियाका महरेज यस अवार्डका लागि पहिलोपटक नोमिनेसनमा परेका हुन् ।  यस्तै अवार्डका लागि इन्ग्लिश क्लब वेष्ट ह्याम युनाइटेडका आन्द्रे आयु र लिभरपुलका साडियो माने पनि परेका छन् । सेनेगलका माने गत वर्ष पनि नोमिनेसनमा परेका थिए ।  

जर्मन क्लब बोरुसिया डर्टमण्डका पियेर एमरिक औवामेयाङ पनि अन्तिम पाँच जनाको सुचिमा परेका छन् । गावोनका औवामेयाङ योसंगै लगातार चौथो पटक नोमिनेसमा परेका हुन् । 

सन् १९९१ बाट प्रदान गर्दै आएको यस अवार्डका बीबीसीले भोटिङका आधारमा प्रदान गर्ने गर्छ । बीबीसीले आफ्नो वेबसाइटमार्फत मनोनयनमा परेका सबै खेलाडीको भोटिङका लागि खुल्ला गरेको हुन्छ । र, त्यसबाट समर्थकहरुले मन परेको खेलाडीलाई भोटिङ गर्न पाउछ । 

समर्थकहरुले नोभेम्बर २८ सम्म आफूलाई मनपरेको खेलाडीलाई भोटिङ गर्न पाउनेछ ।  उक्त भोटिङमा सबभन्दा बढी भोट ल्याउने खेलाडीलाई डिसेम्बर १२ मा विजेता घोषणा गरिने छ ।