काठमाडौं । दक्षिण एसियाली उपक्षेत्रिय आर्थिक सहयोग (सासेक) अन्र्तगत नेपालको विभिन्न ३७ आयोजनामा ३० अर्ब अमेरिकी डलर लगानी हुने भएको छ । 

एसियाली विकास बैंक (एडीबी) ले सोमबार सार्वजनिक गरेको सासेक सञ्चालन योजनामा नेपालको सडक, ऊर्जालगायत विभिन्न परियोजनामा यो रकम लगानी हुन लागेको हो । आउँदो एक दशकमा ३० अर्ब डलर लगानी गर्ने उल्लेख गरिएको छ । आयोजना यो वर्षदेखि सुरु भई आगामी सन् २०२५ मा सम्पन्न हुने लक्ष्य लिएको एडीबीले जानाएको छ ।

सासेक अन्र्तगत सबैभन्दा बढी ऊर्जा आयोजनामा लगानी हुनेछ । ऊर्जाका विभिन्न १३ आयोजनामा मात्र २४ अर्ब डलर खर्च हुने अनुमान गरिएको छ । ३७ मध्ये २४ वटा विभिन्न सडक आयोजना छन् । यी आयोजनामा ६ अर्ब डलर खर्च हुनेछ । ऊर्जा संकट गहिरिदै गएपछि सासेकले यस क्षेत्रमा ठूलो लगानी गर्न लागेको हो । 

सासेक अन्र्तगत सडक, व्यापार सहजीकरण, ऊर्जालगायत दुई सय परियोजना छन् । यी आयोजना सञ्चालन गर्न १ खर्ब २० अर्ब अमेरिकी डलर लाग्ने अनुमान छ । सासेक परियोजना नेपालसँगै भारत, बंगलादेश, भुटान, श्रीलंका र माल्दिभ्समा पनि सञ्चालित छन् । सासेक १६ वर्षअघि सन् २००१ म स्थापना भएको हो । सासेक परियोजना उद्धेश्य सदस्य मुलुकबीच व्यापार अभिवृद्धि, अन्तरदेशिय सम्पर्कमा सुधार र क्षेत्रिय समृद्धिको प्रवद्र्धन गर्नु हो । एडीबी सासेकको मुख्य लगानीकर्ता हो । 

एडीबीले ऊर्जा, यातायात, व्यापार सहजीकरण र सूचना तथा सञ्चार प्रविधि गरी ९ अर्ब डलरको फोर थ्री सासेक आयोजनाहरु स्वीकृत गरेको जानकारी दिएको छ । सासेक योजनाको अर्थ मन्त्रालयका अन्तराष्ट्रिय समन्यव सहायता महाशाखा प्रमुख बैकुण्ठ अर्याल र नेपालका एडीबीका देशीय निर्देशक केनिची योकहमाले संयुक्त रुपमा सोमबार सार्वजनिक गरेका छन् ।

उक्त अवसरमा सहसचिव अर्यालले नेपालले सासेक परियोजनाबाट वस्तु तथा सेवा निकासीमा रहेको अवरोध कम गर्ने अन्तरदेशिय सम्पर्क बढाउने बताए ।