काठमाडौं । विद्युतीय सवारी दिपलको आधिकारिक विक्रेता एमएडब्लू वृद्धि अटोकर्पले आकर्षक अफरसहितको ‘अनमिसेबल’ (छुटाउनै नमिल्ने) प्रि–बजेट स्किमको घोषणा गरेको छ । बजेटअघि पहिलो सार्वजनिक गरिएको यो स्किम बेजोड स्टाइल र अद्वितीय फिचरहरूले भरिएको दिपल ईभीलाई आकर्षक अफरहरूसहित खरिद गर्ने यो अनुपम समय हुने कम्पनीको दाबी छ ।

‘अनमिसेबल प्रि–बजेट अफर’ मा ग्राहकले हालसम्मकै राम्रो नगद छुट र ग्राहकको पुरानो गाडीमा एक्सचेञ्ज बोनसको व्यवस्था गरिएको कम्पनीले जनाएको छ । साथै, ग्राहकले आर्थिक वर्ष २०८२/८३ को निःशुल्क रोड ट्याक्स र कम्प्रिहेन्सिभ अटो प्लस बिमा पनि पाउने कम्पनीले जनाएको छ ।

नेपालमा छोटो समयमै निकै रुचाइएको दिपल ईभीको खरिद गर्ने सपनालाई सहज बनाउन एमएडब्लू वृद्धिले मात्र २० प्रतिशत डाउनपेमेन्टमै ८.९९ प्रतिशत व्याजदरको व्यवस्था पनि गरेको छ । साथै, वैशाख १० गतेदेखि ४५ दिनका लागि चल्ने यो अफरमा ग्राहकले निःशुल्क ७ किलोवाटको वाल चार्ज र ३ किलोवाटको ट्राभल चार्जर पनि कम्पनीले जनाएको छ । बजारमा विद्युतीय सवारीसाधनमा कल बढ्ने हल्ला फैलिरहेको बेला दिपल ईभीलाई आकर्षक अफरहरूसहित पुरानो मूल्यमा खरिद गर्ने यो नै अन्तिम मौका हुनसक्छ ।

नेपालमा सार्वजनिक भएको एक वर्षमा आठसयभन्दा बढी बिक्री रेकर्ड राखेर दिपल नेपालको नं १ लक्जरी ईभी ब्रान्डका रूपमा आफूलाई स्थापित गरिसकेको छ ।

हाल नेपालमा दिपलको एस०७, एस०७ एल, एल०७ र ई०७ गरी चार प्राविधिक रूपमा उच्च कोटीको ईभी मोडेल छन् । यी ईभीहरूमा उपलब्ध ‘जेस्चर कन्ट्रोल’, ‘एआर–एचयुडी’, ‘सनफ्लावर टचस्क्रिन’ जस्ता १० भन्दा बढी ‘इन्डस्ट्री–फर्स्ट’ फिचरहरूको माध्यमबाट दिपलले ईभीबाट ग्राहकले गर्ने अपेक्षालाई पुन: परिभाषित गरेको कम्पनीले जनाएको छ ।