काठमाडौं । जिल्ला प्रशासन कार्यालय पर्साले वीरगन्ज महानगर क्षेत्रमा लगाएको निषेधाज्ञा आजबाट हटाएको छ । शुक्रबार बिहान ७ बजेबाट निषेधाज्ञा हटाइएको हो । 

पर्साका प्रमुख जिल्ला अधिकारी गणेश अर्यालको अध्यक्षतामा बिहीबार बसेको जिल्ला सुरक्षा समितिको बैठकले वीरगन्जको शान्ति सुरक्षाको अवस्था सामान्य बनेको भन्दै आज बिहान ७ बजेदेखि निषेधाज्ञा हटाउने निर्णय गरेको थियो । 

वैशाख १ गतेदेखि लगाइएको निषेधाज्ञा पाँच दिनमा हटेको हो ।