काठमाडौं । नेपाल इन्भेष्टमेन्ट मेगा बैंक लिमिटेडको अध्यक्ष पदमा पृथ्वीबहादुर पाँडे चयन भएका छन् । मंगलबार बसेको बैंक सञ्चालक समितिको ६१७औँ बैठकको निर्णयले पाँडेलाई सर्वसम्मत रूपमा सञ्चालक समितिको अध्यक्ष पदमा चयन गरेको हो ।

फागुन १५ गते सम्पन्न बैंकको ३८औँ वार्षिक साधारणसभापश्चात भएको निर्वाचनमा संस्थापक समुहतर्फबाट पाँडेसहित प्रजन्य राजभण्डारी, मदनकुमार आचार्य र दिपंकर शाक्य उदय निर्विरोध निर्वाचित भएका छन् । सर्वसाधारण सेयरधनी समुहको तर्फबाट कविकुमार टिबरेवाला र शालिकराम बेल्बासे निर्वाचित भएका छन् ।