काठमाडौं । कर्तव्य ज्यान मुद्दाका एकजना फरार प्रतिवादी पक्राउ परेका छन् । पक्राउ पर्नेमा मेलुङ गाउँपालिका–६ का २९ वर्षीय विराट ठकुरी छन् । उनलाई जिल्ला प्रहरी परिसर काठमाडौंबाट खटिएको प्रहरीले भक्तपुरको सल्लाघारीबाट पक्राउ गरेको हो ।

प्रहरीका अनुसार, काठमाडौंको धोबीखोला करिडोरस्थित धनन्तरी मार्गमा गत मंगलबार राति ओखलढुंगाको मानेभन्ज्याङ गाउँपालिका–६ का ५० वर्षीय अडविर राईसँग लेनदेनको विषयमा उनको विवाद भएको थियो । विवाद बढेपछि ठकुरीले प्रहार गरेको ढुंगा लागेर राईको ज्यान गएको थियो । घटनापछि उनी फरार थिए ।

उनीमाथि काठमाडौं जिल्ला अदालतबाट पाँच दिन म्याद थप गरेर अनुसन्धान थालेको प्रहरीले जनाएको छ ।