काठमाडौं । महिन्द्रा फोरह्वीलरको नेपालका लागि एक मात्र अधिकृत बिक्रेता अग्नि ग्रुपको सहायक कम्पनी बालाजु अटो वर्कसले देशव्यापी महिन्द्रा केयर फेस्ट आयोजना गर्ने भएको छ ।

कम्पनीले फागुन १८ देखि २३ गतेसम्म देशव्यापी महिन्द्रा केयर फेस्ट आयोजना गर्न लागेको हो । यस ४५–पोइन्ट फ्री चेकअप क्याम्पमा फ्रि लेबर चार्ज, फ्रि वासिंङ, फ्रि हेल्थ चेकअप, म्याक्सीमाइल लुब्रिकेन्ट्समा १० प्रतिशत छुट, स्पेयर पार्टसहरूमा ५० प्रतिशतसम्मको छुट र १० प्रतिशत विस्तारित छुट कुपनका साथसाथै अन्य उपहारको पनि लाभ लिन सकिनेछ ।

महिन्द्राका ग्राहकवर्गले नेपाल अधिराज्यभरि रहेका महिन्द्राका आधिकारिक सर्भिस सेन्टरमा गई यस केयर फेस्टमा सहभागी हुन सक्नेछन् । महिन्द्राले आफ्ना सेवाग्राहीलाई थप सेवासुविधा प्रदान गर्ने उद्देश्यका साथ हरेक वर्ष आयोजना गर्दै आइरहेको केयर फेस्टमा यसपटक पनि अघिल्ला वर्षहरूमाझैँ ग्राहकहरूको उल्लासमय सहभागिता रहने अपेक्षा गरिएको छ ।  

अग्नि ग्रुपको सहायक कम्पनी अग्नि आस्थाले यसै केयर फेस्टमा महिन्द्राका कुनै पनि गाडी खरिद तथा बिक्री वा एक्सचेन्ज गर्ने सुविधा पनि ल्याएको छ । साथै, महिन्द्राका सर्टिफाइड प्रि–अनवीड गाडी खरिद गर्नुपरेमा आकर्षक अफर पनि ल्याएको छ । यो सेवा काठमाडौं, भैरहवा, इटहरी, पोखरा र चितवनमा उपलब्ध रहेको कम्पनीले जनाएको छ ।