site stats
बाह्रखरी :: Baahrakhari
राजनीति
Global Ime bankGlobal Ime bank
प्रतिनिधिसभा बैठक १५ मिनेटलाई स्थगित 

काठमाडौं । प्रतिपक्ष दलले अवरोध गरेपछि प्रतिनिधिसभा बैठक १५ मिनेटका निम्ति स्थगन गरिएको छ । मंगलबार (माघ २९) सभामुख देवराज घिमिरेले बैठक १५ मिनेटलाई स्थगन गरेका हुन् ।

सभामुखको आसनमा रहेकी उपसभामुख इन्दिरा रानामगरले शून्य समय सकिएर विशेष समय सुरु भइसकेपछि नेपाली कांग्रेसका सांसद रामहरि खतिवडालाई बोल्न समय दिएकी थिइन् । उनले बोलिसकेपछि राष्ट्रिय स्वतन्त्र पार्टी (रास्वपा)का सांसद गणेश पराजुलीले कुन नियमअन्तर्गत बोल्न दिइयो ? भन्दै आपत्ति जनाए । उनले खतिवडाको भनाइ रेकर्डबाट हटाउन माग गरे । त्यसपछि रास्वपा र नेकपा (माओवादी केन्द्र)का सांसदले आफ्नो आसनमा उभिएर विरोध गरे ।

माओवादी केन्द्रका प्रमुख सचेतक हितराज पाण्डेले बैठक नियमानुसार नचलेको भन्दै आपत्ति जनाए । प्रतिपक्ष सांसदले खतिवडाको भनाइ रेकर्डबाट हटाउन माग गरिरहे ।

त्यसपछि सभामुख देवराज घिमिरे के भएको हो अध्ययन गर्न संसद् सचिवालयलाई निर्देशन दिइएको भन्दै अघि बढ्न खोजेका थिए । तर, रास्वपाका सांसदले बोल्न समय मागेपछि उनले बैठक स्थगन गरेका हुन् ।

प्रकाशित मिति: मंगलबार, माघ २९, २०८१  १४:२९
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
Shivam Cement DetailShivam Cement Detail
सम्पादकीय
Hamro patroHamro patro