'गृहमन्त्री सुसंस्कृत राजनीतिक अभ्यास गरेको मान्छे हो, अझै राजीनामाको अपेक्षा छ'

राजनीति

'गृहमन्त्री सुसंस्कृत राजनीतिक अभ्यास गरेको मान्छे हो, अझै राजीनामाको अपेक्षा छ'

बुधबार, जेठ २१, २०८२

'गृहमन्त्री सुसंस्कृत राजनीतिक अभ्यास गरेको मान्छे हो, अझै राजीनामाको अपेक्षा छ'

काठमाडौं । राष्ट्रिय स्वतन्त्र पार्टी (रास्वपा)की सांसद चन्दा कार्कीले भिजिट भिसा प्रकरणमा मुछिएका गृहमन्त्री रमेश लेखकको राजीनामा दिनुपर्ने बताएकी छन् । बुधबार सिंहदरबारमा बसेको राज्य व्यवस्था तथा सुशासन समितिको बैठकमा सांसद कार्कीले गृहमन्त्रीको राजीनामा माग गरेकी हुन् ।

गृहमन्त्री लेखकको भिजिट भिसामा संलग्नता रहेको देखिएकाले राजीनामा दिएर मार्गप्रशस्त गर्नुपर्ने उनको माग छ । छानबिनबाट निर्दोष भए पुनः मन्त्री हुन कसैले नछेक्ने उनको भनाइ छ ।

"हामीले गृहमन्त्रीको कुनै दोष छ भनेका छैनौँ । तर, एउटा नैतिकताको कुरा आफैँबाट हुनुपर्छ । सुसंस्कृत राजनीतिक अभ्यास गरेको मान्छेबाट त्यो हामीले अपेक्षा गर्दछौँ । गृहमन्त्रीज्यूले पहिल्यै दिन राजीनामा दिएको भए उचाइ अझ ठूलो हुन्थ्यो । अझै पनि अपेक्षा छ," उनले भनिन् ।