काठमाडौं । हाल विश्वभर चर्चामा रहेका जेनेरेटी एआईले दिने प्रतिक्रया रोचक लाग्ने हुन्छन् । यस्तो सिस्टमको विकासमा गुगल, ओपनएआईजस्ता कम्पनीका कर्मचारी र प्रम्प्ट इन्जिनियरको महत्त्वपूर्ण भूमिका हुन्छ ।

यी एआईले दिने प्रतिक्रिया कस्तो छ भनेर रेटिङ गर्ने विश्लेषकको योगदान पनि उत्तिकै छ । तर, टेकक्रन्चले प्राप्त गरेको एक पत्रले स्वास्थ्य र सामान्य मानिसका निम्ति गुगलको जेमिनाईले दिने जानकारी जोखिमपूर्ण हुन सक्ने देखिएको छ ।

जेमिनाईको एआई प्रतिक्रियालाई राम्रो बनाउन काम गरिरहेको हिटाचीअन्तर्गतको ग्लोबललजिकका कन्ट्र्याक्टरले काम गरिरहेका छन् । ती कन्ट्रयक्टरले यसअघि कार्डियोलोजीसम्बन्धी प्रश्नलाई स्कीप गर्ने गरेका थिए । तर, पछिल्लो समय गुगलले त्यस्ता प्रश्नलाई स्कीप नगर्न पत्राचार गरेको बताइएको छ ।

गुगलले जानकारी नभएको क्षेत्रका प्रश्नलाई समेत स्कीप नगर्न आग्रह गरेसँगै यसले जेमिनाईले दिने प्रतिक्रियाको शद्धतामाथि प्रश्न उठाइएको हो ।