काठमाडौं । सौर्य अटोमोबाइल्स प्रालि (जेएमईभी)ले ‘जीएसई’ इलेक्ट्रिक कार नेपालमा बिक्री सुरु गरेको छ । कम्पनीका अनुसार, ४९ किलोवाट आवर ब्याट्री क्षमताको यो कारको मोटर आउटपुट ९९ किलोवाट छ ।

जीएसईले फुल चार्जमा ४२० किलोमिटर रेन्ज दिने कम्पनीले जनाएको छ । यसमा १७० एमएम ग्राउन्ड क्लियरेन्स छ । ३६० डिग्री एभीएम भिजुअल सिस्टम छ । ४१० लिटर बुट स्पेस छ । नेपालको भूगोललाई मध्यनजर गरी यो कार ल्याइएको कम्पनीको भनाइ छ ।

यो कारको प्रतिमूल्य ५३ लाख ९९ हजार रुपैयाँ तोकिएको छ । यो जिआङसी जियाङलिङ ग्रुप भेहिकल कम्पनी लिमिटेड (जेएमईभी)ले निर्माण गरेको हो ।