काठमाडौं । स्टार्टअप तथा इनोभेसनको प्रदर्शनीका रूपमा काठमाडौंमा दुईदिने स्टार्टअप एन्ड आइडिया फेस्ट–२०२४ सुरु भएको छ ।

काठमाडौंको बत्तिसपुतलीस्थित अनुपम फुडल्यान्डमा बिहीबार सुरु भएको फेस्टमा सातै प्रदेशका स्टार्टअप तथा इनोभेसनको सहभागिता छन् ।

सञ्चार तथा सूचना प्रविधिमन्त्री पृथ्वीसुब्बा गुरुङले फेस्टको उद्घाटन गरे । गुरुङले सरकारले स्टार्टअप एवं इनोभेसनको प्रवर्धन गर्दै देश विकासमा योगदान पुर्‍याउन आवश्यक रहेको बताए । नेपालले प्रविधिका क्षेत्रबाट राम्रो विकास गर्न सक्ने विश्वास व्यक्त गर्दै मन्त्री गुरुङले सरकारले यसका लागि आवश्यक सबै काम गर्न तयार रहेको बताए ।

एक सयभन्दा बढी डिजिटल स्टार्टअप र इनोभेसहरूको सहभागिता रहको फेस्ट आईसीटी अवार्ड–२०२४ को प्रिइभेन्ट भएको आयोजकले जनाएको छ ।

फेस्टमा टेकस्पायर कलेज प्रमुख र स्क्वाइड अफ चेन्जमेकरको सहआयोजना छ । फेस्ट शुक्रबार सकिने छ ।