काठमाडौं । साफ महिला च्याम्पिनयसिप–२०२४ अन्तर्गत भुटानविरुद्ध खेल्ने नेपालको सुरुआती–११ सार्वजनिक भएको छ ।

नेपाली टिमका मुख्य प्रशिक्षक राजेन्द्र तामाङले गोलकिपर एन्जिला तुम्बाप्पो सुब्बाको कप्तानीमा पहिलो रोजाइ सार्वजनिक गरेका हुन् । 

तामाङको पहिलो रोजाइमा मिडफिल्डरद्वय रेनुका नगरकोटे र सरु लिम्बूले स्थान बनाएका छन् । यी दुवै खेलाडी चोटका कारण लामो समय मैदानबाट बाहिर बसेका थिए । प्रतियोगिताको साविक उपविजेता नेपाल यसपटक समूह ‘बी’ मा छ । यो समूहमा नेपालसँगै, भुटान, माल्दिभ्स र श्रीलंका छन् । 

यसअघि आजै भएको पहिलो खेलमा श्रीलंकाले माल्दिभ्सविरुद्ध १–० को जित निकालेको थियो । 

नेपालको सुरुआती–११ :
एन्जिला तुम्बाप्पो सुब्बा (कप्तान), पुजा राना, अमृता जैसी, हिराकुमारी भुजेल, रेनुका नगरकोटे, सरु लिम्बू, रश्मीकुमारी घिसिङ, गीता राना, प्रीति राई, सविता रानामगर, अमिषा कार्की