काठमाडौं । हमासले इजरायलमा ७ अक्टोबर २०२३ मा हमला गरेदेखि नै इजरायली सेना हमास प्रमुख याह सिनवारको खोजीमा थियो । याह सिनवार हमास प्रमुख हुन् । एक वर्षयता चलिरहेको इजरायल हमास युद्धको अधिकांश समय गाजामा बनेका सुरुङमा बस्थे ।
 
६१ वर्षे सिनवारको साथमा उनका अंगरक्षक पनि हुन्थे । सिनवार हमासले बन्धक बनाएकाहरूलाई आफ्नो सुरक्षा कवचका रूपमा प्रयोग गरिरहेका थिए । तर, इजरायली सेनाले गाजाको रफाह क्षेत्रमा भएको दोहोरो भिडन्तमा सिनवारको मृत्यु भएको छ ।

इजरायली सेनाका अनुसार उनीहरूको एउटा ब्रिगेड गाजाको रफाहमा गस्ती गरिरहेको थियो । गस्तिका क्रममा इजरायली सेना र हामासबीच भिडन्त सुरु भयो । भिडन्तमा हमासका तीनजना मान्छे मारिए । इजरायली सैनिकले आफूले मारेका हामसका व्यक्तिको पहिचान गर्न सुरु गरेको थियो । उनीहरूले याह सिनवार जस्तै व्यक्ति पनि मारिएको देखे ।

मारिएका व्यक्ति हमास प्रमुख याह नै हुन् कि होइनन् भन्ने यकिन गर्न इजरायली सेनाले उनको औंला काटेर इजरालय परीक्षणका लागि पठायो । इजरायली सेनाका अनुसार मुडभेड सुरु भएपछि सिनवार अग्लो घरतिर भागिरहेका थिए । उनलाई ड्रोनबाट निसाना बनाएर मारिएको हो ।

सिनवार कुनै योजनावद्ध अपरेसनमा मारिएका होइनन् । इजरायली सेनाका अनुसार उनी अचानक भएको मुडभेडमा मारिएका हुन् । गोप्य जानकारी पाए अनुसार सिनवार रफाह क्षेत्रमा रहेको जानकारी भए पनि उनी ठ्याक्कै कहाँ छन् भन्ने इजरायललाई पनि जानकारी थिएन ।

सिनवारको मृत्युसँगै इजरायली प्रधानमन्त्री बेन्जामिन नेतन्याहूले ठूलो जित हासिल गरे पनि युद्ध अन्त नहुने बताएका छन् । ७ अक्टोबर २०२३ मा इजरायलमाथि भएको हमलमा याह सिनवार नै मुख्य जिम्मेवार रहेको इजरायली बुझाइ छ ।

यसअगाडि सिनवारलाई इजरायलले आफ्नो जेलमा २३ वर्षसम्म्म कैदी बनाएर राखेको थियो । सन् २०११ मा हमास र इजरायलबीच कैदी साटफेटर गर्ने सम्झौता हुँदा उनलाई इजरायलले रिहा गरेको थियो ।

सिनवारको मृत्युसँगै हमासले युद्ध विराम गर्नसक्ने अपेक्षा गर्न थालिएको छ । १९६२ मा गाजाको एउटा शरणार्थी शिविरमा जन्मिएका सिनवारलाई हमासका सबैभन्दा शक्तिशाली नेताका रूपमा लिने गरिन्छ । १९८७ मा हमासको स्थापना भएलगत्तै उनी हमाससँग जोडिएका थिए । अलजजिरा ।