काठमाडौं । गुगलको स्मार्टफोन ब्रान्ड पिक्सेल फोनहरूमा एन्ड्रोइड १५ उपलब्ध भएको छ । गत महिना सार्वजनिक भएको अपरेटिङ सिस्टमा गोपनीयता फिचर, सुरक्षा उपकरणदेखि फोल्डेबल तथा ट्याबेलटका लागि सुविधा थपिएको छ ।

एन्ड्रोइड ओपन सोर्स प्राजेक्टमार्फत गत महिना सेप्टेम्बरमा सार्वजनिक भएको अपरेटिङ सिस्टम उपलब्ध गराउने गुगलको पिक्सेल पहिलो ब्रान्ड बनेको छ ।

एन्ड्रोइड १५ मा रहेको महत्त्वपूर्ण फिचरमध्ये एक हो, प्राइभेट स्पेस । जसमा आफ्नो फोनमा रहेका बैंकिङ, डेटिङजस्ता एपहरू लुकाउन सकिन्छ । त्यसरी लुकाएका एप चलाएको नदेखिने, नोटिफिकेसनमा नदेखिनेदेखि सेटिङमा पनि नदेखिने भनिएको छ ।

प्राइभेट स्पेसमा पहुँच पाउन थप प्रमाणीकरण चाहिने र उक्त प्राइभेट स्पेससमेत प्रयोगमा रहेको लुकाउन सकिने गुगलले जनाएको छ ।

फोल्डेबल फोन र ट्याबेलटहरूमा एन्ड्रोइड १५ ले टास्कबर पिन तथा अनपिन गर्ने सुविधा दिएको छ ।

एन्ड्रोइभ १५ मात्रै नभएर एन्ड्रोइड प्रयोग गरिरहेका अन्य फोनमा चोरी भएको एआईबाट थाहा पाएर फोन आफैँ लक हुने, हराएको फोन अर्काे फोनबाट लक गर्न मिल्नेजस्ता सुविधा थपिने भएको छ ।

गुगलले पिक्सेल फिचर ड्रपमार्फत अब पिक्सेल ट्याब र फोन नजिक राखेर मिडिया फाइलहरू सेयर गर्न मिल्ने सुविधा पनि थप्ने बताएको छ ।

द भर्जबाट ।