काठमाडौं । एभरेष्ट महिला भलिबल लिगको अबेर रातिसम्म भएको खेलमा कर्णाली यशभीएसले काठमाडौं स्पाइकर्सलाई ३–१ को सेट स्तब्ध पार्दा ललितपुर क्विन्स फाइनलमा पुगेको छ ।

शुक्रबार राखेपको कभर्डहलमा मध्यरातसम्म भएको रोमाञ्चक खेलमा कर्णालीले काठमाडौंविरुद्ध उत्कृष्ट जित निकाल्दै जारी लिगमा आफ्नो अपराजित यात्रा कायमै राखेको हो ।

काठमाडौंले फाइनल पुग्न जित्नैपर्ने खेलको पहिलो सेट २५–२३ ले आफ्नो पक्षमा पार्दा त्यसपछि तीन सेटमा कर्णालीले उत्कृष्ट खेल पस्किँदा तीनवटै सेट लगातार आफ्नो पक्षमा पार्दा काठमाडौं स्तब्ध बन्यो ।

कर्णालीले दोस्रो सेट २५–१४, तेस्रो २५–२३ र चौथो सेट २५–१२ ले जित्यो ।

काठमाडौं पराजित हुँदा प्रतियोगिताबाट बाहिर हुँदा ललितपुर क्विन्सले फाइनलमा प्रवेश पायो ।

फाइनल खेलमा आज शनिबार साझ ५ः३० बजे अपराजित कर्णाली यशभीएस र ललितपुर क्विन्सले प्रतिस्पर्धा गर्नेछन् ।