काठमाडौं । एभरेष्ट महिला भलिबल लिगमा चितवन शक्तिलाई ३–१ सेटमा पराजित गर्दै ललितपुरले फाइनल यात्रा जीवितै राखेको छ ।

शुक्रबार त्रिपुरेश्वरस्थित राष्ट्रिय खेलकुद परिषद्को कभर्डहलमा भएको खेलमा ललितपुर क्विन्सले चितवन शक्तिलाई पराजित गरेको हो ।

खेलको पहिलो सेट २५–१९ अंकले गुमाएको ललितपुर त्यसपछिका तीनवटै सेट लगातार जितेको थियो ।

ललितपुरले दोस्रो, तेस्रो र चौथो सेट क्रमशः २५–२१, २५–१६ र २५–१९ ले जितेको हो ।

ललितपुरको फाइनल पुग्ने सम्भावना कायमै रहे पनि चितवन शक्ति भने प्रतियोगिताबाट बाहिरिएको छ ।

आजको अन्तिम खेलका साथै लिग चरणको अन्तिम खेल कर्णाली यशभीएस र काठमाडौं स्पाइकर्सका बीच हुनेछ ।

यो खेलको हार जितले काठमाडौं र ललितपुरमा कुन टिम फाइनलमा पुग्ने र कुन टिमको यात्रामा पूर्णविराम लाग्ने हारजितले टुंगो लाग्नेछ ।

कर्णालीले यशभीएस भने बिहीबार नै फाइनलमा आफ्नो स्थान बनाइसकेको थियो । पहिलो संस्करणको एभरेष्ट महिला भलिबल लिगको फाइनल खेल शनिबार राष्ट्रिय खेलकुद परिषद्को कभर्डहलमा हुनेछ ।