काठमाडौं । पेरिस ओलिम्पिक–२०२४ को छैटौँ दिन चीन पदक तालिकाको शीर्ष स्थानमा उक्लिएको छ । शनिबारदेखि सुरु भएको प्रतियोगितामा बिहीबारको खेल जारी रहँदा चीन नौ स्वर्ण पदकसहित तालिकाको शीर्ष स्थानमा उक्लिएको हो । 

चीनले सात रजत र तीन कास्यसहित कुल १९ पदक जितेको छ । चीनलाई पछ्याइरहेको फ्रान्स आठ स्वर्णसहित दोस्रो स्थानमा छ । फ्रान्सले १० रजत र आठ कास्यसहित कुल २६ पदक जितेको छ । 

तेस्रो स्थानको जापानले पनि आठ स्वर्ण जितेको छ । जापानले तीन रजत र चार कास्यसहित १५ पदक जितेको छ । चौथो स्थानको अस्ट्रेलियाले सात स्वर्ण, ६ रजत र तीन कास्यसहित १६ पदक जितेको छ । पाँचौँ स्थानको ब्रिटेनले ६ स्वर्ण, ६ रजत र पाँच कास्य जितेको छ । सातौँ स्थानको दक्षिण कोरियाले पनि ६ स्वर्ण जितेको छ । 

कुल १२ पदक जितेको दक्षिण कोरियाले तीन रजत र तीन कास्य जितेको छ । यो सूचीको सातौँ स्थानमा अमेरिका छ । अमेरिकाले पाँच स्वर्ण, १३ रजत र ३० कास्य जितेको छ । 

यस्तै, आठौँ स्थानको इटालीले तीन स्वर्ण, ६ रजत र चार कास्यसहित १३ पदक जितेको छ । नवौँ र १०औँ स्थानमा क्यानडा र जर्मनी छन् । क्यानडाले दुई स्वर्ण, दुई रजत र तीन कास्यसहित सात पदक जितेको छ । जर्मनीले पनि दुई स्वर्ण, दुई रजत र दुई कास्यसहित ६ पदक जितेको छ । 

प्रतियोगिताको छैटौँ दिनसम्म कुल २८ देशले स्वर्ण जितेका छन् । यस्तै, २५ देशले रजत र ३६ देशले कास्य पदक जितेका छन् । पेरिस ओलम्पिकमा २०६ राष्ट्रका करिब १० हजार ५०० खेलाडीले ३२९ स्पर्धामा प्रतिस्पर्धा गरिरहेका छन् ।