देश
![त्रिभुवन विमानस्थलबाट पहेँलो धातुसहित भारतीय नागरिक पक्राउ](https://12khari.top/uploads/posts/Arrest-Pakrau-1710693999.jpg)
काठमाडौं । त्रिभुवन अन्तर्राष्ट्रिय विमानस्थलबाट प्रहरीले भन्सार छली गरेको सुनजस्तो देखिने पहेँलो धातु ९९ ग्राम ४१ मिलिग्रामसहित एकजना भारतीय नागरिकलाई पक्राउ गरेको छ ।
पक्राउ पर्नेमा ४१ वर्षीय दीपक जयरामदास घिण्ड रहेको केन्द्रीय प्रहरी प्रवक्ता एवं प्रहरी नायब महानिरीक्षक दानबहादुर कार्कीले जानकारी दिए ।
“एयर अरेबियाको उडानमार्फत सारजाहाबाट काठमाडौं आएका निजलाई त्रिभुवन अन्तर्राष्ट्रिय विमानस्थल भन्सार जाँचका क्रममा गएराति पक्राउ गरिएको हो,” उनले भने ।
उनको साथबाट सिक्री एक थान, बाला दुई थान, मोबाइल चार थान र ल्यापटप चार थानसमेत बरामद भएको छ । उक्त विषयमा थप अनुसन्धान भइरहेको प्रवक्ता कार्कीले बताए । रासस
प्रकाशित मिति: सोमबार, असार ३१, २०८१ २३:३४
प्रतिक्रिया दिनुहोस्