काठमाडौं । कोलम्बियाका जेम्स रोड्रिगेज कोपा अमेकिा–२०२४ को सर्वोत्कृष्ट खेलाडी घोषित भएका छन् ।

सोमबार भएको फाइनलमा कोलम्बियाले अर्जेन्टिनासँग १–० को हार व्यहोरेको थियो । २३ वर्षपछि कोलम्बियालाई कोपा अमेरिकाको फाइनलमा पुर्‍याउन महत्त्वपूर्ण भूमिका खेलेका रोड्रिगेज ‘प्लेयर अफ दी टुर्नामेन्ट’ चुनिएका हुन् । उनले प्रतियोगिताभर कुल ६ असिस्ट गरेका थिए ।

• अर्जेन्टिनालाई कीर्तिमानी १६औँ कोपा अमेरिकाको उपाधि

अर्जेन्टिनाका फरवार्ड लौटारो मार्टिनेज प्रतियोगिताको उच्च गोलकर्ता बने । मार्टिनेजले प्रतियोगिताभर कुल पाँच गोल गरे । फाइनलमा पनि मार्टिनेजले नै निर्णायक गोल गरेका थिए ।

यस्तै, अर्जेन्टिनाका गोलकिपर इमिलियानो मार्टिनेज प्रतियोगिताको उत्कृष्ट गोलकिपर चुनिए । प्रतियोगिताभर अर्जेन्टिनाले ६ खेल खेल्दा मार्टिनेजले पाँचमा ‘क्लिन सिट’ राखे ।