विराटनगर । मोरङको विराटनगरस्थित एक होटेलमा रतुवामाईका व्यापारी मृत अवस्थामा फेला परेका छन् ।‌ 

विराटनगर महानगरपालिका ९ स्थित फ्रेन्ड्स कर्नर रेस्टुरेन्ट एण्ड लजमा रतुवामाई नगरपालिकाका–५ लारीकट्टाका ३३ वर्षका गजेन्द्र साह कोठामै झुन्डिएको अवस्थामा फेला परेका हुन् । 

साह मोरङको रंगेली घर भई बेतौनामा किराना होलसेल पसल सञ्चालन गर्दै आएका थिए । 

साह बिहीबार दिउँसो होटेल गएको जिल्ला प्रहरी कार्यलय मोरङले जनाएको छ । परिवारले घटना रहस्यमय भएको भन्दै अनुसन्धान गर्न प्रहरी समक्ष माग गरेका छन् ।‌