काठमाडौं । एक्साइड इन्डस्ट्रिजको नेपालस्थित आधिकारिक बिक्रेता सिप्रदी ट्रेडिङ प्रा.लि.द्वारा आफ्ना च्यानल पार्टनरहरूलाई सात दिने जापान भ्रमण गराइएको छ ।
उक्त भ्रमणमा तिरुपति बालाजी टायर वर्ल्ड, भट्टराई एन्ड ब्रदर्स सप्लायर्स, आरबी इलेक्ट्रिक एन्ड इलोक्ट्रोनिक्स, शिव शक्ति सप्लायर्स, चण्डेश्वरी इलेक्ट्रिक एन्ड इलोक्ट्रोनिक्स सप्लायर्स र आँचल इलोक्ट्रोनिक्स ट्रेडका प्रतिनिधिको सहभागिता थियो ।
एक्साइड ब्याट्रीका वरिष्ठ महाप्रबन्धक सुरेशकुमार तिवारीले नेतृत्व गरेका थिए । भ्रमणका क्रममा प्रतिनिधिहरूले जापानको प्रमुख सहर टोकियो, ओसाका र नारितामा अवस्थित विभिन्न पर्यटकीय आकर्षणहरूको अवलोकन गरेका थिए । यस्ता आकर्षणहरू कनाउजी टेम्पल, आसाकूसा टेम्पल, आराशियामा ब्याम्बू ग्रुभ, माउन्ट फुजी, आक्वा लाइन, सूमीदा रिभर, टोकियो डिसनी ल्यान्ड हुन् ।
यसभन्दा अघि यसैगरी च्यानल पार्टनरहरूलाई युरोप भ्रमण गराइएको थियो । एक्साइड ब्याट्रीका अनुसार यस्ता भ्रमणले कम्पनी र च्यानल पार्टनरबीचको सम्बन्ध अझ बलियो र पारस्परिक रूपमा फलदायी हुने बताए । भविष्यमा पनि यस्ता कार्यक्रमलाई निरन्तरता दिने कम्पनीको उद्देश्य रहेको बताइएको छ ।
गाडी, मोटरसाइकल, इन्भरटर, र सोलारसम्बन्धी एक्साइड ब्रान्डका उच्चस्तरीय ब्याट्रीहरू बजारमा उपलब्ध छन् । मुलुकभर बिक्री एवं सेवा सञ्जाल भएको एक्साइडले आफ्नो ग्राहकवर्गलाई उच्च गुणस्तरीय उत्पादनहरू प्रदान गर्दै आइरहेको छ ।