गुजरात । भारतको गुजरातको सुरतमा ६ तले भवन भत्किदा ७ जनाको मृत्यु भएको छ । 

जिल्ला डीसीपी राजेश परमारका अनुसार १२ घण्टा देखि चलिरहेको उद्धार अभियानमा ७ वटा शव निकालिएको छ भने भत्किएको भवनको भग्नावशेष  हटाउने काम जारी रहेको छ । 

गुजरातको सुरतस्थित सचिन पाली गाउँमा रहेको सो ६ तले भवन भत्किएको हो । सो घटना शनिबार दिउँसो करिब ३ बजेको हो । घटनाको समयमा ठूलो आवाज आएकोले स्थानीय मानिसले भूकम्प आएको ठानेका थिए । ठूलो आवाज आएको सुनेर बाहिर हेर्दा भवन ढलेको पाएको स्थानीयलाई उद्धृत गर्दै बीबीसीले जनाएको छ ।