काठमाडौं । नेकपा (एकीकृत समाजवादी)काे जारी महाधिवेशनमा १२ वटै समूहले निष्कर्ष प्रस्तुत गरेका छन् । समूहका नेताहरूले महाधिवेशनमा प्रस्तुत गरिएकाे राजनीतिक तथा संगठनात्मक दस्तावेजमाथिकाे छलफलकाे निष्कर्ष सुनाएका हुन् ।

समूहका नेताले नेतृत्व सर्वसम्मतरूपमा टुंग्याउन सुझाव दिएकाे उपमहासचिव तथा प्रचार विभाग प्रमुख जगन्नाथ खतिवडाले जानकारी दिए । "१२ वटै समूहबाट सर्वसम्मत नेतृत्व चयन गर्न सुझाव आएकाे छ, " उनले भने ।

टाेली नेताकाे निष्कर्षपछि अध्यक्ष माधवकुमार नेपालले जवाफ दिएर आजै दस्तावेज पारित गर्ने तयारी रहेकाे उनले बताए ।

"अब अध्यक्षले जवाफ दिनुहुन्छ । दस्तावेज आजै पारित हुन्छ," उनले भने ।

उनका अनुसार बिहीबार नेतृत्व चयनको प्रक्रिया थालिनेछ ।

एकीकृत समाजवादीले माधव पाैडेल प्रमुख रहेकाे निर्वाचन आयाेग गठन गरेकाे छ । आयाेगले निर्वाचन प्रक्रिया अघि बढाउनेछ ।

अध्यक्षमा माधव र महासचिवमा घनश्यामलाई निरन्तरता दिन दबाब

महाधिवेशनमा सहभागी प्रतिनिधिहरूले अध्यक्षमा माधव नेपाल र महासचिवमा घनश्याम भुसाललाई निरन्तरता दिन दबाब दिएका छन् । समूहगत छलफलकाे निष्कर्ष सुनाउँदै १२ वटै समूहले नेपाललाई अध्यक्षमा र भुसाललाई महासचिवमा निरन्तरता दिन सुझाव दिएका हुन् ।

अधिकाशं प्रतिनिधिले दुवै नेतालाई साेही पदमा निरन्तरता दिनुपर्ने राय दिएपछि टाेली नेताले साेहीअनुसार निष्कर्ष सुनाएका हुन् ।

भुसालले अध्यक्षमा दाबी गरिरहेका छन् । चाैतर्फी दबाबपछि उनले सहमतिमा आउने संकेत गरेकाे महाधिवेशन प्रतिनिधि बताउँछन् । भुसालले अध्यक्षकाे दाबी छाडे महासचिव वा उपाध्यक्षमा व्यवस्थापन गर्ने माधवकाे तयारी छ ।

अध्यक्षकै दाबेदार भएकाले उनले उपाध्यक्ष रहन तयार भए महासचिवमा उपमहासचिवहरू  जगन्नाथ खतिवडा, गंगालाल तुलाधरमध्ये एक जनाकाे सम्भाावना देखिएकाे छ । उपाध्यक्षद्वय राजेन्द्र पाण्डे वा वेदुराम भुसालमध्ये एकजना महासचिव बन्ने वियषमा समेत छलफल भइरहेकाे चर्चा छ ।