वासिङटन । अमेरिकी उपराष्ट्रपति कमला ह्यारिसले राष्ट्रपतीय निर्वाचनको डिबेटमा राष्ट्रपति जो बाइडेनको प्रस्तुति सुरुमा सुस्त भए पनि अन्तिममा बलियो भएको टिप्पणी गरेकी छन् । अमेरिकामा नेपाली समयानुसार शुक्रबार बिहान बाइडेन र पूर्वराष्ट्रपति डोनाल्ड ट्रम्पबीच राष्ट्रपतीय निर्वाचनको डिबेट भएको थियो ।

• चर्चित पहिलो अमेरिकी डिबेट : ट्रम्पले भने– बाइडेनको कार्यकाल नर्कजस्तै भयो

त्यसबारे सीएनएनका एन्डर्सन कूपरसँग उनले भनेकी छन्, “हो, सुरुआत ‘स्लो’ थियो । तर, समापन ‘स्ट्रोङ’ भयो ।”

सुरुमा ‘स्लो’ रहेको र त्यो विषय सबैलाई प्रस्ट भएको उनले उल्लेख गरिन् । त्यसबारे आफूले विवाद गर्न नचाहेको उनले बताइन् ।

उपराष्ट्रपति ह्यारिसले ट्रम्पले फेरि ढाँटेको टिप्पणी गरिन् । जनवरी ६ को घटनालाई अस्वीकार नगरेको र २०२४ को राष्ट्रपति पदको निर्वाचनको परिणाम स्वीकार गर्ने विषयमा प्रस्ट जवाफ नदिएको उनले बताइन् ।