काठमाडौं । नेपाली राष्ट्रिय क्रिकेट टिमका तीन खेलाडीले क्यानडाको ग्लोबल टी–२० लिग खेल्ने भएका छन् ।

नेपालका कप्तान रोहितकुमार पौडेल, दीपेन्द्रसिंह ऐरी र सन्दीप लामिछानेले ग्लोबल टी–२० खेल्ने भएका हुन् ।

दीपेन्द्र र सन्दीपले एउटै टिमबाट प्रतियोगिता खेल्नेछन् । दुवैजना भान्कोउभेर नाइट्सबाट प्रतियोगिता खेल्ने भएका हुन् । सन्दीप र दीपेन्द्रको टिममा पाकिस्तानका कप्तान बाबर आजम, मोहम्मद रिजवान र मोहम्मद आमिरलगायत खेलाडी आबद्ध छन् । 

रोहितले भने टोरोन्टो नेसनल्सबाट प्रतियोगिता खेल्ने छन् । रोहितले पहिलो पटक अन्तर्राष्ट्रिय फ्रेन्चाइज लिग खेल्ने भएका हुन् । सन्दीप र दीपेन्द्रले भने यसअघि पनि ग्लोबल टी–२० खेलेका थिए ।