काठमाडौं । जापानको बहुराष्ट्रिय फार्मास्युटिकल कम्पनी रोहटोका सीईओले नेपालको भाटभटेनी सुपरमार्केटमार्फत कार उपहार योजना सुरु गरेका छन् ।
रोहटोका सीईओ कुनियो यामादा र भाटभटेनीका अध्यक्ष मीनबहादुर गुरुङले बुधबार ग्राहकलाई कार उपहार दिने योजना सार्वजनिक गरेका हुन् । रोहटोका सीईओ यामादा र उनको टोलीले नेपाल आएर भाटभटेनी सुपरस्टोरको कार उपहार योजनाको सुरु गरेको कम्पनीले जनाएको छ ।
यसअघिको योजनामा भाटभटेनीले विजेता ग्राहकलाई टाटाको विद्युतीय गाडी टियागो उपलब्ध गराइसकेको छ । कम्पनीले अब दोस्रोपटक पनि उक्त योजना सुरु भएको बताएको छ ।
भाटभटेनीका अध्यक्ष गुरूङले सीईओ कुनियो यामादालाई स्वागत गरेका थिए । नेपाली बजारमा रोहटोका स्किन केयर, आइ केयर, लिप केयर र अन्य दर्जनौं उत्पादनहरु उपलब्ध छन् । कम्पनीले भाटभटेनीबाट आफ्ना उत्पादन खरिदमा कार उपहार दिने भएको छ ।