site stats
बाह्रखरी :: Baahrakhari
खेल
Global Ime bankGlobal Ime bank
बंगलादेशमाथि दक्षिण अफ्रिकाको रोमाञ्चक जित

काठमाडौं । आईसीसी ट्वान्टी–२० विश्वकपमा दक्षिण अफ्रिकाले बंगलादेशमाथि रोमाञ्चक जित निकालेको छ । सोमबार दक्षिण अफ्रिकाले बंगलादेशमाथि चार रनको जित निकालेको हो ।

दक्षिण अफ्रिकाबाट ११४ रनको लक्ष्य पाएको बंगलादेशले निर्धारित २० ओभरमा सात विकेट गुमाएर १०९ रनमात्र बनाउन सक्यो ।

बंगलादेशका लागि तौहिद हृदोयले सर्वाधिक ३७ रन बनाए । महमुदूल्लाह रियादले अविजित २० रन बनाए । नाज्मुल हसन सान्टो १४ रन बनाउँदा तान्जिद हसन र लिटन दासले समान ९–९ रन बनाए । ज्याकर अलीले आठ रन ‍र सकिब अल हसन तीन रन जोडे ।

बलिङतर्फ केशव महाराजले तीन विकेट लिए । कगिसो रबाडा र एनरिक नोर्त्जेले समान दुई–दुई विकेट लिए ।

त्यसअघि टस जितेर ब्याटिङमा आएको दक्षिण अफ्रिकाले निर्धारित २० ओभरमा ६ विकेट गुमाएर ११३ रन बनाएको थियो ।

दक्षिण अफ्रिकाका हेनरिक क्लासेनले सर्वाधिक ४६ रन बनाए । अर्धशतक बनाउन चार रनले चुकेका क्लासेनले दुई चौका र तीन छक्का प्रहार गरे । डेविड मिलरले २९ र क्विन्टन डी ककले १८ रन बनाए । यसबाहेक, अन्यले दोहोरो अंकमा रन जोड्न सकेनन् । 

बलिङतर्फ बंगलादेशका तान्जिन हसन साकिबले तीन विकेट लिए । ताक्षिक अहमेदले दुई र रिसाद हुसैनले एक विकेट लिए ।

जितसँगै ६ अंकका साथ दक्षिण अफ्रिका समूह ‘डी’मा शीर्ष स्थानमा यथावत् छ । तालिकाको दोस्रो स्थानमा रहेको बंगलादेशको २ अंक छ ।

यस समूहमा यी दुई टिमसँगै नेदरल्यान्ड्स, श्रीलंका र नेपाल पनि छन् ।

प्रकाशित मिति: सोमबार, जेठ २८, २०८१  २३:४७
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro