काठमाडौं । सहिद स्मारक ‘बी’ डिभिजन लिगमा झापा फुटबल क्लबले पहिलो जित निकालेको छ । बिहीबार सातदोबाटोस्थित एन्फा मुख्यालयमा सम्पन्न पहिलो खेलमा सरस्वती क्लबलाई २–० ले पराजित गर्दै झापाले लिगमा पहिलो जित निकालेको हो ।

झापाको जितमा प्रदीप बुढाथोकी र राजेश दाहालले गोल गरे । खेलको ११औँ मिनेटमा पाएको पेनाल्टी अवसरमा गोल गर्दै प्रदीपले टोलीलाई अग्रता दिलाए । पहिलो हाफको अग्रतालाई ८८औँ मिनेटमा राजेश ढकालले दोब्बर बनाए ।

प्रतियोगितामा ‘बी’ डिभिजनमा नवप्रवेशी टोली झापाले आफ्नो पहिलो जित दर्ता गरेको छ । झापाले चार खेलमध्ये एकमा बराबरी, दुईमा हार र एउटा जितबाट चार अंक बनाएको छ । 

पराजित सरस्वतीले चार खेलमध्ये दुई हार र दुई जितबाट ६ अंक बनाएको छ ।