काठमाडौं । चालु आर्थिक वर्ष २०८०/८१ का १० महिनामा नेपाली विदेश घुम्न र अध्ययन गर्न जाँदा साढे एक खर्ब रुपैयाँभन्दा बढी रकम बाहिरिएको छ ।

०८० साउनदेखि ०८१ वैशाख मसान्तसम्मको अवधिमा नेपालीले घुम्न र अध्ययन गर्ने बहानामा एक खर्ब ५६ अर्ब ९५ करोड रुपैयाँ विदेश लगेका नेपाल राष्ट्र बैंकले जनाएको छ । उक्त अवधिमा नेपालको भ्रमण व्यय ३९।५ प्रतिशतले वृद्धि भएको राष्ट्र बैंकले सोमबार सार्वजनिक गरेको विवरणमा उल्लेख छ ।

नेपाली अध्ययन गर्न जाँदा १० महिनामा एक खर्ब चार अर्ब २५ करोड रुपैयाँ विदेशिएको छ । अध्ययनका निम्ति सबैभन्दा ठूलो संख्यामा नेपाली जापान, अमेरिका, बेलायत, क्यानडा र भारत जाने गरेका छन् ।

अघिल्लो आर्थिक वर्ष २०७९/८० को सोही अवधिमा नेपालीले विदेश घुम्न र अध्ययन गर्न जाँदा एक खर्ब १२ अर्ब ५२ करोड रुपैयाँ लगेका थिए । अघिल्लो आर्थिक वर्षको १० महिनामा अध्ययन गर्न जाने नेपाली विद्यार्थीले ७५ अर्ब १४ करोड रुपैयाँ विदेश लगेका थिए ।

चालु आर्थिक वर्षको १० महिनामा भ्रमण आय ९नेपाल आउने विदेशीले गर्ने खर्च० ३५।१ प्रतिशतले वृद्धि भई ६९ अर्ब ४१ करोड रुपैयाँ पुगेको छ । अघिल्लो वर्षको सोही अवधिमा यस्तो आय ५१ अर्ब ३७ करोड रुपैयाँ थियो ।