खेल
काठमाडौ । राष्ट्रपति रामचन्द्र पाैडेलले टी–२० क्रिकेट विश्वकपमा सहभागी हुन अमेरिका पुगेको नेपाली टिमलाई उच्च मनोबलका साथ खेलमा सहभागी हुन शुभकामना दिएका छन् ।
राष्ट्रपति पौडेलले नेपाली राष्ट्रिय टिमका प्रतिनिधिमण्डलका सदस्यलाई टेलिफाेन गरेर उच्च मनोबलका साथ प्रतियाेगितामा सहभागी हुन शुभकामना दिएका हुन् ।
राष्ट्रपति पौडेलले सम्पूर्ण नेपाली साथमा रहेको भन्दै उच्च मनोबलका साथ मैदानमा उत्रिएर सफलता प्राप्त गर्ने विश्वास व्यक्त गरेको राष्ट्रपतिको स्वकीय सचिवालयले जनाएको छ ।
उनले नेपालले खेल्ने खेल सबै नेपालीले विश्वभर जहाँ भए पनि हेरेर नेपाली टाेलीकाे हौसला बढाउने पनि विश्वास व्यक्त गरेका छन् ।
प्रकाशित मिति: सोमबार, जेठ २१, २०८१ २१:०७
प्रतिक्रिया दिनुहोस्