काठमाडौं । गायक प्रकाश दूतराजले आफ्नो पछिल्लो गीत ‘करिम’ युट्युबबाट हटाएका छन् । केही समय अगाडि युट्युबमार्फत सार्वजनिक गरेको गीत ‘करिम’ उनले उक्त प्लेटफर्मबाट शुक्रबार हटाएका हुन् । 

गीतमा प्रकाशसँगै शान्तिश्री परियारको स्वर थियो । गीतको भिडियोलाई लिएर आलोचना भएपछि उनले युट्युबबाट गीत नै हटाएका हुन् । 

भिडियोले बादी समुदायका महिलाले परम्परागत रूपमा गर्दै आएको यौन व्यवसायलाई चित्रण गरेको थियो । यसैसँग सम्बन्धित भिडियोका केही दृश्यलाई लिएर गीत सार्वजनिक भएकै समयदेखि आलोचना भइरहेको थियो ।  

भिडियोले बादी समुदायलाई अहिले पनि पुरानै अवस्थामा रहेको सन्देश दिन खोजेको भन्दै प्रकाशको आलोचना भएको थियो । यही विषयलाई लिएर राष्ट्रिय लोक तथा दोहोरीगीत प्रतिष्ठानमा समेत निवेदन परेको थियो । निवेदनमा गीत हटाउँन माग गरिएको थियो ।