तेहरान । इरानमा हेलिकोप्टर दुर्घटनामा मृत्यु भएका राष्ट्रपति इब्राहिम रइसीको स्मरणमा राजधानी तेहरानमा बुधबार विशाल शोक कार्यक्रमको आयोजना गरिएको छ । उक्त शोकसभामा हजारौँ मानिस सहभागी भएका थिए । 

सो कार्यक्रममा इरानका सर्वोच्च नेता आयोतोल्लाह खमेनेइले मृतकको शवमा इरानको झण्डा ओढाएर श्रद्धाञ्जली दिएका थिए । गएको आइतबार रइसीसहित विदेशमन्त्री होसेन अमिर अब्दोल्लाहिनलगायतको हेलिकोप्टर दुर्घटनामा मृत्यु भएको थियो । 

बुधबारको कार्यक्रममा अल्लाहको प्रार्थनासमेत गरिएको थियो । सो अवसरमा इरानका अन्तरिम राष्ट्रपति मोहम्मद मोखबरपनि सँगै उभिएका थिए । रइसीको भोलि बिहीबार अन्त्येष्टि गरिने कार्यक्रम छ । बीबीसी