काठमाडौं । कलाकार पल शाहले चलचित्र ‘पुजार सार्की’मा आफूले निर्वाह गरेको भूमिकाको तस्बिर सार्वजनिक गरेका छन् । चलचित्रमा प्रहरीले पक्राउ गरेको सिनमा आफ्नो क्यारेक्टर तस्बिर पलले सार्वजनिक गरेका हुन् । जुन तस्बिरमा पल सेतै दारीजुंगा फुलेको वृद्ध उमेरकाे क्यारेक्टरमा देखिएका छन् ।   

“आज मैले पुजार सार्कीमा मेरो अभिनयबाट यो तस्बिर सार्वजनिक गरेको छु । यो तस्बिरबाट तपाईंले मेरो भूमिका कति गहन र अर्थपूर्ण छ भनेर पक्कै अनुमान लगाउनुहुनेछ,” उनले सामाजिक सञ्जाल फेसबुकमा लेखेका छन् । 

चलचित्र ‘पुजार सार्की’ यही जेठ १० गते रिलिज हुँदै छ । पलले ‘पुजार सार्की’ आफ्नो करिअरमा महत्त्वपूर्ण सावित हुनेमा विश्वास व्यक्त गरेका छन् । आफू चलचित्र ‘रावायण’को छायांकनमा रहेकाले ‘पुजार सार्की’को प्रचारमा हिँड्न नपाएको बताएका छन् । 

दिनेश राउतको निर्देशनमा बनेको यो चलचित्रमा पलसँगै प्रदीप खड्का र आर्यन सिक्देल मुख्य भूमिकामा छन् ।