वाराणसी । भारतीय प्रधानमन्त्री नरेन्द्र मोदीविरुद्ध वाराणसीबाट उमेदवारी दर्ता गराएका कमेडियन श्माम रंगीलाले चुनाव लड्न नपाउने भएका छन् । उनको उमेदवारी खारेज गरिएको छ ।

उनको उमेदवारी यसअघि दर्ता गरिएको थियो । तर, आवश्यक कागजात नपुगेको भन्दै त्यसको भोलिपल्ट उमेदवारी रद्द गरिएको बताइएको छ । उनले उमेदवारी दर्ताका क्रममा लिइने शपथ पूरा गरेका थिएनन् । सोही कारण उमेदवारी रद्द गरिएको जनाइएको छ ।

एकपटक उमेदवारी दर्ता गरिसकेपछि पनि भारतको निर्वाचन आयोगले त्यसबारे हरेक जानकारी जाँच गर्ने गर्छ । र, मापदण्ड नपुगेका उमेदवारी खारेज गर्न सक्ने कानुनी व्यवस्था छ । बीबीसी हिन्दीबाट ।