काठमाडौं । वेस्ट इन्डिज ‘ए’ सँगको पहिलो ट्वान्टी २० खेलमा नेपालका कप्तान रोहितकुमार पौडेलले तेस्रो सफलता दिलाएका छन् ।

कीर्तिपुरस्थित त्रिवि क्रिकेट मैदानमा टस जितेर फिल्डिङमा आएको नेपालले ६.५ ओभरमा वेस्ट इन्डिजका एलिक एथनाजेलाई पभेलियन फर्काएको हो । ४७ रन बनाएका एथनाजेलाई रोहितले ललितनारायण राजवंशीबाट क्याच गराए । 

जारी खेलको सात ओभर समाप्त हुँदा वेस्ट इन्डिजले तीन विकेट गुमाएर ८७ रन बनाएको छ ।

नेपाली टिममा अनिलकुमार साह, विवेक यादव र कमलसिंह ऐरीले मौका पाएका छन् । मुख्य प्रशिक्षक मोन्टी देसाईले आसिफ सेख, सोमपाल कामी र करण केसीको स्थानमा यी तीन खेलाडीलाई मौका दिएका हुन् ।

पहिलो पटक नेपाल भ्रमणमा आएको वेस्ट इन्डिज ‘ए’ ले नेपालसँग पाँच खेलको ट्वान्टी २० शृंखला खेल्ने तालिका छ ।