काठमाडौं । कञ्चनपुरमा जुवातास खेलिरहेको अवस्थामा आठजना पक्राउ परेका छन् । बेलौरी नगरपालिका–६, हात्तीबोझाका ४६ वर्षीय मण्डी बडायकको नास्ता पसलछेउमा रहेको कोठामा जुवातास खेलिरहेको अवस्थामा प्रहरीले उनीहरूलाई नियन्त्रणमा लिएको हो ।

बडायकसहित आठजनालाई शनिबार दिउँसो पक्राउ गरिएको प्रहरीले जनाएको छ । नगद ११ हजार ५१० रुपैयाँ र ६ बुक ताससहित उनीहरूलाई पक्राउ गरिएको प्रहरी प्रधान कार्यालयले जानकारी गराएको छ ।

कैलालीबाट पाँचजना पक्राउ
कैलालीमा जुवातास खेलिरहेको अवस्थामा पाँचजना पक्राउ परेका छन् । गोदावरी नगरपालिका–१, धनगढी रोडस्थित सोही ठाउँका ४२ वर्षीय करन चन्दको होटेल रेड्सन प्लाजामा जुवातास खेलिरहेको अवस्थामा प्रहरीले उनीहरूलाई नियन्त्रणमा लिएको हो ।

चन्दसहित पाँचजनालाई शनिबार बेलुका पक्राउ गरिएको प्रहरीले जनाएको छ । नगद एक लाख ५५ हजार २०० रुपैयाँ र पाँच बुक ताससहित उनीहरूलाई पक्राउ गरिएको प्रहरी प्रधान कार्यालयले जानकारी गराएको छ ।