संखुवासभामा बाढीले पाँच काठेपुल बगायो, २५० घर विद्युत्‌विहीन

देश

संखुवासभामा बाढीले पाँच काठेपुल बगायो, २५० घर विद्युत्‌विहीन

बिहीबार, जेठ २२, २०८२

संखुवासभामा बाढीले पाँच काठेपुल बगायो, २५० घर विद्युत्‌विहीन — फाइल तस्बिर ।

संखुवासभा । संखुवासभाको उत्तरी क्षेत्र भोटखोला गाउँपालिकामा बाढीले पाँच काठेपुल बगाएको छ । बुधबार (जेठ २१)को बाढीले भोटखोला–१ र २ र १ र ३ जोड्ने धुङगोपा खोलाका दुई काठेपुल बगाएको जिल्ला प्रहरी कार्यालयका डीएसपी दक्षकुमार बस्नेतले बताए ।

बाढीले भोटखोला–१ र ३ जोड्ने घङजुङमा खोलाको काठेपुल पनि बगाएको छ । भोटखोला–१ र ३ जोड्ने छोकाङ खोला र भोटखोला–१ र ३ जोड्ने माप्च्या खोलाको पुल पनि बगाएको छ ।

यसैबीच, केही दिनअघिको बाढीले भोटखोला गाउँपालिका–३ मा निर्मित दुई साना जलविद्युत् आयोजना बगाउँदा २५० घर विद्युत्‌विहीन भएका छन् ।

बाढीले कोसी राजमार्गअन्तर्गत खाँदबारी–किमाथांका सडकखण्डको हटिया र हुङहुङ सडक बगाएको छ । बाढीका कारण खाँदबारी–किमाथांका सडकखण्ड अवरुद्ध हुँदा यातायात सेवा ठप्प छ । रासस