काठमाडौं । एनपीसी नेपालले नेपाल तेक्वान्दो संघलाई पेरिस, २०२४ पाराओलम्पिक प्रशिक्षण तयारीको लागि दुई लाख १५ हजार रुपैयाँ प्रदान गरेको छ ।

नेस्नल पाराल्याम्पिक कमिटी नेपालका अध्यक्ष राधा घलेले नेपाल तेक्वान्दो संघका उपाध्यक्ष भानबहादुर चन्दलाई रकमको चेक हस्तान्तरण गरेका हुन् ।

चीनको तायानमा चैत पहिलो साता भएको एसियाली ओलम्पिक तथा पाराओलम्पिक छनोट प्रतियोगिताबाट पारा तेक्वान्दो पलेशा गोर्वधनले स्वर्ण पदकसहित पेरिस, २०२४ पाराओलम्पिक गेम्समा छनोट भएकी थिइन् ।

गोर्वधनले जापानमा टोकियो–२०२० पाराओलम्पिक गेम्समा पलेशा गोर्वधनले दुई खेल अमेरिका र सर्वियाका खेलाडीहरूलाई हराएकी थिइन् । 

गोवर्धनले बहराइनको मनामामा भएको २०२२ एसियन युथ पारा गेम्समा नेपालको लागि एतिहासिक स्वर्ण पदकसहित नेपाली पारा खेलकुदको इतिहासमा युथ एसियन पारा गेम्समा पहिलो स्वर्ण पदक जितेकी थिइन् । साथै उनले चीनको हाङझाउमा भएको चौथो एसियन पारा गेम्समा एतिहासिक कास्य पदक हासिल गरेको । एसियन पारा गेम्समा नेपालले नेपाली पारा खेलकुदको इतिहासमा पहिलो पदक हो ।

पलेशा गोर्वधन पेरिस, २०२४ पाराओलम्पिक गेम्सको लागि प्रशिक्षण गर्नका लागि चीनको साङ्घाईबाट आगामी वैशाख २ गते नेपाल आउने कार्यक्रम रहेको टिम व्यवस्थापक रामचन्द्र श्रेष्ठले जानकारी दिए ।