काठमाडौं । नेपाली कांग्रेसका सांसद प्रदीप पौडेलले राजनीतिक दलका लागि सत्तामात्रै महत्त्वपूर्ण हुने गरेको बताएका छन् ।

बुधबार 'विश्व परिवेशमा प्रजातन्त्र र मानव अधिकार रक्षार्थ सञ्चार वकालत' कार्यक्रममा पौडेलले अहिले नयाँ र पुराना दलहरूका लागि सत्ता नै सबैथोक हुने गरेको बताए । यसले लोकतन्त्रको रक्षा हुन नसक्ने उनको भनाइ छ ।

उनले सत्ता प्राप्तिका लागि राजनीतिक दलहरू मानव अधिकार उल्लंघन गर्न पनि तयार हुने गरेको बताए । सत्ता केन्द्रित राजनीतिक मनोविज्ञान भएकाले नागरिक आन्दोलनले मात्रै निस्वार्थ ढंगबाट कुराहरू उठाउन सक्ने बताए । उनले अहिले नागरिक आन्दोलन कमजोर बन्दै गएको पनि बताए ।

"अहिले नागरिक आन्दोलन कमजोर भएको छ, नागरिक आन्दोलन नै छैन । त्यसैले राजनीतिक दल सत्तामा जान्छ, सत्तामा गएपछि विपक्षमा हुँदा जे कुरा गर्दथ्यो, सत्तामा गएपछि फरक कुरा गर्दछ । राजनीतिक दलका लागि विशेष गरी नेपालको परिवेशमा सत्तामात्रै उसको सबैथोक भयो," उनले भने ।