काठमाडौं । श्रम, रोजगार तथा सामाजिक सुरक्षामन्त्री एवं राष्ट्रिय स्वतन्त्र पार्टी (रास्वपा)का उपसभापति डोलप्रसाद अर्यालले आफूहरूको मिसन भ्रष्टाचार अन्त्य गर्नु रहेको बताएका छन् । आइतबार संसद् भवन परिसरमा सञ्चारकर्मीसँग उनले यस्तो बताएका हुन् ।

रास्वपाको मिसन बेथितिविरुद्ध काम गर्ने रहेको उनले उल्लेख गरे । उनले रास्वपाको मिसन सुशासन कायम गर्नु पनि रहेको बताए ।

“रास्वपाको मिसन बेथितिविरुद्धमा काम गर्ने । साथै, भ्रष्टाचार कसरी अन्त्य गर्न सकिन्छ भन्ने नै हो,” उनले भने, “त्यसकारण सुशासन कायम र भ्रष्टाचारको अन्त्य गर्नुपर्छ ।”

भ्रष्टाचार अन्त्य, बेथितिविरुद्धका काम र सुशासन कायम भएसँगै देश समृद्ध बन्ने उनले बताए । “हाम्रो योभन्दा बढी मिसन खासै छैन । त्यति गर्नेबित्तिकै यो देश समृद्ध हुन्छ । समुन्नत हुन्छ, जनताले राहत पाउँछन् । जनताले राज्य र सरकार भएको महसुस गर्दछन्,” उनले भने ।

उनले जनताले राज्य र सरकार भएको महसुस गर्ने गरी काम गर्ने प्रतिबद्धता जनाए । न्युज एजेन्सी नेपाल