काठमाडौं । शुक्रबारबाट प्रदर्शनमा आउन लागेको चलचित्र ‘अगस्त्य च्याप्टर–१’ को एडभान्स बुकिङ खुला भएको छ । चलचित्रले अधिकांश सिनेमा हलमा राम्रो शो पाएको छ । 

देशकै ठूलो मल्टिप्लेक्स चेन क्यूएफएक्सले काठमाडौं उपत्यकाभित्र १५ शो दिएको छ । उपत्यकाबाहिर २९ शो दिएको छ ।

सौरभ चौधरी निर्देशित चलचित्रलाई वान सिनेमाजले दुईवटा चेनमा आठ शो दिएको छ । बिग मुभिजले तीन, एफक्यूबले तीन, बीएसआरले चार, आईएनआई चेनले सबै हलमा गरेर १२ शो दिएको छ । 

उपत्यका बाहिरका अन्य थिएटरले पनि अगस्त्यलाई उच्च शो दिएका छन् । 

चलचित्रमा सौगात मल्ल दुईवटा लुक्समा देखिएका छन् । चलचित्रमा नाजिर हुसेन, प्रमोद अग्रहरि, निश्चल बस्नेत, मलिका महत, विजय बराललगायत कलाकार मुख्य भूमिकामा छन् । 

विश्व गौचन र अभिषेक चौधरी कार्यकारी निर्माता हुन् भने प्रकाश मल्ल, अनिस तामाङ र विनोद पौडेल निर्माता रहेका  छन् ।