![ट्राफिक सप्ताहको शुभारम्भ](https://12khari.top/uploads/posts/oaaf-1708580704.jpg)
काठमाडौं । उपप्रधान एवं गृहमन्त्री नारायणकाजी श्रेष्ठले नेपालगन्जमा एक स्कुटर चालकलाई हेल्मेट लगाइदिएर र सचेतना स्टिकर दिएर ट्राफिक सप्ताह–२०८० को शुभारम्भ गरेका छन् । सडक अनुशासन र सवारी दुर्घटना न्यूनीकरणका निम्ति बिहीबारदेखि ट्राफिक सप्ताह सुरु गरिएको हो ।
त्यसक्रममा लुम्बिनी प्रदेश र बाँकेका प्रहरी र स्थानीय निकायहरूको संयुक्त आयोजनामा प्रभातफेरी गरिएको थियो । प्रभातफेरीमा यातायात र शैक्षिक क्षेत्रका व्यक्ति तथा सर्वसाधारणको बाक्लो उपस्थिति थियो ।
त्यसक्रममा गृहमन्त्री श्रेष्ठले ट्राफिक सचेतनाका निम्ति सबै पक्षले सहयोग र चासो देखाएकामा आभार व्यक्त गरे । सचेतनाले दुर्घटना र ट्राफिक जामलाई न्यूनीकरण गर्ने मात्र नभएर चालक, यात्रु सबैलाई ज्ञान दिने उनले बताए ।