काठमाडौं । राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देनले गणतन्त्र, संघीयता र धर्मनिरपेक्षता मुलुक लागि अभिशाप भइसकेको बताएका छन् । 

मुलुकलाई गम्भीर दुर्घटनाबाट जोगाउन प्रमुख दलहरूले गणतन्त्र, संघीयता र धर्मनिरपेक्षताको बाटोमा पुनर्विचार गरी राजादेखि माओवादीसम्म अट्ने खालको नयाँ समझदारी गरेर अघि बढ्नुपर्ने उनको भनाइ छ ।

राजसंस्था र हिन्दु राष्ट्र पुनर्स्थापनाको माग गर्दै बुधबार र्‍यालीसहितको विरोध प्रदर्शनपछि काठमाडौंमा आयोजित कोणसभामा अध्यक्ष लिङ्देनले देश यथास्थितिमा अघि बढाउन खोजे गम्भीर दुर्घटनामा फस्ने चेतावनी दिए ।

उनले आफूहरूले देशलाई पछाडि फर्काउन चाह्यो भनेर भ्रमपूर्ण प्रचार नगर्न पनि प्रमुख दलका शीर्ष नेताहरूलाई सचेत गराए ।

अध्यक्ष लिङ्देनले मुलुकलाई सही बाटोमा अघि बढाउन आफूहरूले शान्तिपूर्ण आन्दोलन थालेको उल्लेख गर्दै त्यसलाई कमजोरी नठान्न आग्रह गरे ।